යාන්තං ටිකක් නග්ග ගත්තා..

ඊයෙත් උදෙත් නාලා, කාලා එහෙම වෙනදා වගේම අයියලාගේ ගෙදර යන්න කියලා සෙට් වෙන්න හදනකොටම අයියගෙන් ඇමතුමක් ආවා.. මොකක් ද සීන්නෙක කියලා බලන්න ආන්සර් කලාම අයියා කිවුවේ පට්ට හැපී නිවුස් එකක්..

ඒ කිවුවේ, "අද හවස අපි හෙළිකොප්ටරේ යවන්න බලමු" කියලා.. මෙච්චර කාලයක් බලං හිටි මොහොත අද පත්තුවෙන්න හදන්නේ කියලා හිතනකොටත් මාර කික් එකක් දැනුනේ ඊයේ උදේ.. හප්පා.. කියලා වැඩක් නෑ.. ඕක ඇහුවම ඉතිං මම කොහොම ද ඉන්නද හවස් වෙනකං.. එම සැනෙන් මගේ පාපැදියේ නැගලා පියාඹලා ගියා අයියලගේ ගෙදර..

මම යන‍කොට අයියා කොම්පියුටර් එක දාගෙන මොකක් ද කියවනවා.. ගුම්මෝනිං පාරක් දාගෙනම මමත් හෙමීට කිට්ටු කරා බැලුවා මොකක් ද කියවන්නේ කියලා.. එතකොට තමා අයියා කියලා දුන්නේ තටු ඇලවෙන්න ඕන ප්‍රමාණයේ අන්තර්ජාතික ප්‍රමාණයන් මොනවද කියලා එක එක සයිට් වලින් බල බල ඉන්නේ කියලා.. මට ඉතිං ඕවා එච්චර තේරෙන්නේ නැති වුනත් මාත් ලාවට වගේ ඇහැ දාලා බැලුවා කියලා තියෙන අංශක ප්‍රමාණයන් කොයි වගේ ද කියයලා.. එතකොට තමා දැක්කේ ගොඩක් සයිට් වල කියල තියෙන ප්‍රමාණය එකට එකක් ආසන්නයි කියලා.. ඒක නිසා අපිත් ඒ ගානට තටු වල හැඩේ හදන්න පටංගත්තා..

මේ තියෙන්නේ ඒ විදියට තටු වල හැඩේ හදන උපකරනේ.. මේකට සිංහලෙන් නම් කියන්නේ pitch gauge කියලා.. ඉංගිරියෙන් කියන නම නම් දන්නේ නෑ.. :D

http://www.wifly.co.za/products/7936-hobbyking-helicopter-pitch-gauge-kit.aspx#.T26xJGH9Mjw

මේකේ මේ කහපාටින් තියෙන්නේ රබර් බෑන්ඩ් එකක්.. උඩ කොටසේ දෙපැත්තෙන් ඇදලා අර තියෙන කවුලුව ලොකු කරන්න පුළුවන්.. ඊට පස්සේ ඒ කවුලුව අස්සෙන් තටුව රිංගවලා ඕක අතාරිනවා.. ඊට පස්සේ රිමෝට් එකෙන් තමා අදාල අගයන්වලට එහෙට මෙහෙට කරකවන්නේ.. වැඩි දුර අධ්‍යාපනයක් ඕන අය මෙතනට ගිහිං බලන්න කොහොමද කරන්නේ කියලා.. :D එක එක උපකරණ වලිං කරන හැටි තියෙනවා..

කොහොම හරි හරියට අදාල අගයන්ට හදලා ඉවර වෙලා බලද්දී හවස 2.00 විතර වෙලා වෙලාව.. එහෙමම අයියා කෝල් එකක් දැම්මා අපේ රථාචාර්‍ය වරයට එයාගේ ලැජ්ජටැස්සිය අරං පළමු මෙහෙයුමට යන්න, එන්න කියලා 3.30ට විතර.. එහෙම කියලා අපි දෙන්නත් දවල්ට කෑම කාලා එහෙම බඩු ටික සෙට් කරගෙන හිටියා රථේ එනකං..

ඔන්න කොහොම හරි 3.45ට විතර ආවා අපේ ටුක් ටුක් එක.. දැං අපි දෙන්නා මේකේ නැගලා යන්න සෙට් වුනා හොඳට ඉඩකඩ තියෙන  තැනකට.. අපේ රථාචාර්‍ය වරයා තමා ඒ යටිතල පහසුකම සපයන්න පොරොන්දුවෙලා හිටියේ.. මොකද පොඩි ඒවා ගේ ඇතුලේ තියං යැවුවට මේක යවන්න බෑ.. අනිත් එක තාම හරියකට යවාගන්නත් බෑනේ.. අනිත් එක තාම මේක එක දවසක් වත් යවලා නෑ නේ.. ඒක නිසා හොඳට ඉඩ කඩ තියෙන තැනකට ඒ වගේම කස්ටිය අඩු තැනක් බලා අපිත් දාගෙන අපේ රථේ එක හැල්මේ ගිහිං නැවතුනා පොඩි ඉස්කෝලයක් ලඟ..

ඉස්කෝලේ පිට්ටනියට ගිහිං අපි වැඩේ පටං ගන්න හදනකොට ඔන්න ඈත එනවා දැක්කා පොඩි කොල්ලෝ කුරුට්ටො දෙන්නෙක්.. මුන් දෙන්නත් ඇවිත් හිටගත්තනේ ළඟින්ම.. ඒක නිසා ඉස්සර වෙලා මේ දෙන්නා යැවුවා අපේ මාතලී ඉන්න තැනට.. පොරට කලිං කියලා තිබුන නිසා පොර ඈතට වෙලා හිටියා.. ඇයි ඉතිං මේක කැරකිලා ආවොත් එහෙම.. හරි ඔන්න දැං ඔක්කොම සැට් කරලා ස්ටා(ර්)ට් කලා අපේ හෙළිය...

අම්මෝ..... ආසාවේ බෑ ඒ සද්ටෙ..  ඔය සද්දේ අහන්න කොච්චර කාලයක් නම් මඟ බලං හිටිය ද.. ස්ටා(ර්)ට් කලාට පස්සේ ස්ටා(ර්)ට මෝටරේ අරං ගිහිං පැත්තකින් තියලා පටං ගත්තා මම වුන පොරොන්දුවක් ඉෂ්ඨ කරන්න.. ඒ තමා මේක යවන වීඩියෝ එකක් අපේ කස්ටියට බලන්න දානවා කියලා මම පොරොන්දු වුන එක.. හැබැයි මේක බැලුවම තේරෙයි වැඩිය උඩ යවලා නෑ කියලා.. උඩ යවන්න කලිං හෙළිය බැලන්ස් එකේ තියාගන්න අත හුරුවෙන්න ඕන රිමෝට් එකට.. ඒක නිසා වැඩිය උඩ යැවුවේ නෑ.. උඩ යවන එක නම් ලේසියි.. ඒත් හරියට පාලනය කරගන්න බැරි වුනොත් විනාසයි.. ඒක නිසා මුලින් කරන්නේ රිමෝට් එකට හුරු වෙන එක..

ඔන්න එහෙනම් බලන්නකෝ වීඩියෝව...

මේ ඉන්නේ පළමු මෙහෙයුමට ගිය අ‍පි තුන්දෙනා.. ඔය ඉස්සරහින් කහ පාට ඩ්‍රිල් එකක් වගේ තියෙන එක තමා ස්ටා(ර්)ට මෝටරේ.. [මැද ඉන්නේ අයියා]