මගේ ප්‍රථම හයිවේ අත්දැකීම..

මේ මාසේ 27 වෙනිදා ලංකාවේ ඉතිහාසයට අලුත් දෙයක් එකතු වුනා.. කවුරුත් දන්න විදියට ඒ තමයි ලංකාවේ ප්‍රථම අධීවේගී මාර්ගය ලෙස “දකුණු අධිවේගී මාර්ගය“ විවෘත කලේ.. පාර විවෘත කල දවසේ ඉඳලා ඒකේ යන්න ආසාවක් අපිටත් ඇති වුනේ ලංකාවේ අපිට මේක අලුත් දෙයක් වුන නිසා.. අනිත් විශේෂ කාරනාවක් වුනේ දකුණු අධිවේගී මාර්ගයේ ප්‍රධාන පිවිසුම් දොරටුව වන කොට්ටාව මාකුඹුරේ තමයි අපේ ඔෆිස් එකත් තියෙන්නේ..

ඉතිං අධීවේගී මාර්ගය විවෘත කලයින් පස්සේ ඉඳලා අපේ හිත් වල පැලපදියම් වෙච්ච මේ අදහස ක්‍රියාත්මක කරන්න පුළුවන් වුනේ අද.. ඒකත් වුනේ හදිසියේ.. අපේ කස්ටිය වුනේ අබීතයියා, මම, ඩැනියා සහ කට්ටා.. වාහනේ තමයි ටොයෝටා වියොගෝ කැබ් රථයක්..

ඔන්න ඊට පස්සේ අපි හවස 4.00 විතර ගියා මාකුඹුර අධිවේගී මාර්ගයේ පිවිසුමට..

වාහනේ අරං ගියේ අබීතයියා

මේ තියෙන්නේ පිවිසුම් වටරවුම

ඔන්න ඉස්සරහින් තියෙන්නේ පිවිසුම් දෙරටුව

ඔන්න අපි ටිකටුත් ගත්තා

ඇතුල් වෙනකොටම දැක්කේ ඇඟ සීතල වෙන දර්ශනයක්

මෙන්න පාරේ ලස්සන

පාරට දාලා ටික වෙලාවකින් මෙන්න මීටරේ

මෙන්න අපි හතරදෙනා

තව ටික දුරක් ගියාම ඔන්න වේගේ වැඩි කලා

හුරේ... තව වැඩි කලා

බලන්න ඕන වටපිටාවේ ලස්සන

ඔන්න ඈතින් එනවා ආපදා රථයක්

ටිකට් ගත්තා විතරක් නෙවෙයි පිටවීමේදී සල්ලිත් දුන්නා

ඔන්න ඉතිං අපි හවස 4.42 වෙද්දී ගාල්ලට ළඟා වුනා.. ගාල්ලට ගියාට මොකෝ කරන්න දෙයක් නෑ.. එහේ ඉන්න එවුන්ට කෝල් කර කර බැලුවා මොකෙක් වත් සෙට් කරගන්න පුළුවන් ද කියලා.. ඒත් හරිගියේ නැති නිසා කෝකටත් ටවුන් එක පැත්තට යනවා කියලා හිතං ඒ පැත්තට යන්න පටං අරං ගාලු වරාය ටිකක් පහු කරලා අයිනට කරලා නැවැත්තුවා තවත් එකෙකුට කෝල් එකක් දෙන්න හිතං..

එතකොටම කවුද පොරක් ඇවිත් අබීතයියා ඉන්න පැත්තේ වීදුරුවට තට්ටු කලා.. අම්මා ගහයි ටීන් එකෙන්.. ඔන්න දෙන දෙවියෝ ටොකු ඇන ඇන දෙනවා කියන්නේ ඕකට තමාලු.. මේ ඇවිත් ඉන්නේ නාවික හමුදාවේ දෙවන ලුතිනන් කෙනෙක්ලු.. අබීතයියගේ ඉස්කෝලේ කෙනෙක් ලු..

එයා වැඩකරන්නේ නාවික හමුදාවේ “සාගරය“ කියන නැවේ ලු.. ඔන්න අපිට දඹුළු ගිහිං තලගොයෙකුත් මරාගන්න චෑන්ස් එකක් ආවා.. එයාම කතා කලා “සාගරය“ නැව බලන්න යමු කියලා.. ගාලු ඇවිත් කරන්න දෙයක් නැතුව හිටි අපිට මේක නියම අවස්ථාවක් නිසා කස්ටියම කැමති වුනා.. 

ඉතිං ඔන්න පැය 1 1/2 විතර නැව බලලා ආයෙත් එන්න පිටත් වුනා.. ආයෙත් එන්න පටං අරං ටික දුරක් එනකොටම අපිට දකින්න ලැබුනේ හයිවේ එකේ හනිමුන් යන මනාළ යුවලක් සහිත මෝටර් රථයක්..

ගාල්ල පහු වෙලා අම්බලන්ගොඩ හරියට එද්දී පටං ගත්තා මොර සූරන වැස්සක්.. පාර දෙපැත්තේ තියෙන බළල් ඇස් (Cat Eye) නොතිබෙන්න අපිට පාරේ යන්න බෑ.. ඒ තරමට වැස්ස.. සාමාන්‍ය පාරක නම් කොහොමවත් යන්න බැරි තරමට වහින්න ගත්තා.. අලුත්ගම හරිය වෙනකන්ම වැහැපු තම වැස්ස ටිකක් අඩු වුනා.. ඒ වුනත් දිගටම වගේ වැස්ස.. 

ගාල්ලෙන් එද්දී වෙලාව හවස 6.20 විතර ඇති.. හැබැයි වැස්ස නිසා එනකොට නම් ආවේ හෙමින්.. කොට්ටාවට එද්දී හවස 7.15 විතර වුනා..

ඔන්න ඔහොම තමා අපි හයිවේ අත්දැකීම ලැබුවේ... :D

ප.ලි - වාහනේ යන ගමන් ගත් ඡායාරූප නිසා අපැහැදිලිකම් වෙතොත් සමාවන්න..