එයාර්පෝට් ගර්ල්..

පහුගිය දවසක එයාර්පෝට් යන්න සිද්ධවුනා එන ගෙස්ට් කෙනෙක් ගන්න.. ප්ලේන් එක එයාර්පෝර්ට් එකට ගොඩබාන්න නියමිත වෙලාව තිබුනේ උදේ පාන්දර 1.40ට නිසා අපි කොට්ටාවෙන් පාන්දර 12.20ට විතර ගමන පිටත් වුනා.. අපි කිවුවට ගියේ මමයි, වෑන් එකේ ඩ්‍රයිවර් අයියයි..

http://www.istockphoto.com/stock-illustration-9381242-girl-at-airport.php

ඒ ගිය ගමන අපිට එයාර්පෝර්ට් එකට යන්න පුළුවන් වුනා පාන්දර 1.30 විතර.. වෙලාව ළඟ නිසා හනිකට බැහැලා ඇතුලට යන්න ටිකට් එකක්  එහෙම අරගෙන බැලුවා ප්ලේන් බාන්න නියමිත වෙලාවල් දාලා තියෙන බෝර්ඩ් එක දිහා.. හුටා.. ඒක බැලුවම තමා මගේ වම් කකුලේ මාපට ඇඟිල්ල රිදෙන්න ගත්තේ.. උදේ 1.40ට බාන්න තිබුන එක බාන්න නියමිත වෙලාව විදියට දාලා තිබුනේ උදේ 3.15ට.. අම්මා ගහයි ටීන් එකෙන් දැං ඉතිං පැය එකහමාරක් විතර බලං ඉඳපල්ලකෝ..

කොහොම හරි වෙන කරන්න දෙයක් නැති නිසා අර නම් ලියන බෝර්ඩ් එකකුත් අරගෙන ඇතුලට ගියා.. පුටුවක් හොයාගෙන ඉඳගන්න හිතං ගියත් එක තැනක් වත් තිබුනේ නෑ මට පොඩ්ඩක් මගේ පස්ස තියලා බලන්න.. මොනව කරන්න ද ඉතිං වෙන කරන්න දෙයක් නැති නිසා හිටගෙන හිටියා වට පිට බල බලං..

ඔන්න ඔහොම ටික වෙලාවක් කැරකි කැරකි ඉන්නකොට ආවා ටිකක් ඇහැට කනට පේන (හරි හරි ඉතිං කං වලින් පේන්නෑ තමයි.. ඒත් ඉතිං කියන කොට එහෙම කියනව නේ.. :D)  ගෑනු දැරිවියක්.. ඒ.සී එකේ වේලි වේලි ඉන්න වෙලේ මම ඉතිං පොඩ්ඩක් ඇහැ දාලා බැලුවා ඒ පැත්තට පොඩ්ඩක් කූල් වෙන්න පුළුවන් ද කියලා.. ඔහොම ටික වෙලාවක් යද්දී වැඩේ පත්තු වුනා.. අර දැරිවි හැරිලා බැලුවා නේ මගේ දිහෑ.. හපොයි ඉතිං ඊට පස්සේ වුන දේ ගැන අමුතුවෙන් කියන්න ඕන නෑ නේ.. මගේ කට ගියා කන් දෙක ගාවටම.. :D

ඒ ළමයත් පොඩි හිනා පාරක් දැම්මා.. දැං ඉතිං මට බුදු ෆිට් එක.. පැය ඉතුරු පැය කම්මැළිකමක් නැතුව ඉන්න පුළුවන් නිසා.. හැබැයි ඒ බලාපොරෙත්තුව තිබුනේ එක තත්පරයක් විතරයි.. අර ළමයා ඒ ක්ෂණිකවම බැලුවේ නැද්ද මාරාවේෂ වෙච්ච බැල්මක්.. බුදු අම්මෝ ඒ බැල්මට මම කූල් නෙවෙයි අයිස්ම වෙලා ගියා..

මුලින් ෆිට් එකක් දීලා පස්සේ එහෙම බැලුවේ මොක ද කියලා කම්පනා කරද්දී මගේ මොලේට ආවා පෙර කරපු වැරැද්දක් අදත් කරල ද කියලා.. එකපාරට ඒක ගැන බලන්නත් බැරි නිසා මම හෙමීට ලිස්සලා ගියා අයිනකට.. ගිහිං නෝමල් එකේ බැලුවා අර වැරැද්ද කරල ද කියලා.. ඒ ළමයගේ වාසනාවට ආයෙමත් මම ඒ වැරැද්ද කරලා තිබුනේ නැති නිසා හෙමීට බැලුවා ඒ ගෑල්ලමයා හිටි පැත්ත.. මෙන්න බොලේ ආයෙමත් මාර බැල්මක දැම්මා.. හැබැයි මගේ පැත්ත හැරිලා නෙවෙයි මම කලිං හිටි පැත්ත බලාගෙන.. සයිඩ් එකෙන් හිටිය නිසා මම පොඩ්ඩක් පස්ස බැලුවා ඒ කෙලින්..

මලා අලි කේෂ් එකක් නේ වෙලා තියෙන්නේ.. මම හිටි තැනට පස්සෙන් කොල්ලෝ දෙන්නෙක් ඉඳගෙන ඒකිට විහිළු කරනවා.. ඒ සීන් වලට තමා අස්පැට් වෙලා තියෙන්නේ.. සික් අපරාදේ අහක යන කුණුගොඩක් දාගෙන අතට ආපු චෑන්ස් එක මිස් කරග්ත්තනේ මම.. නැත්තං කම්මැළිකමක් නැතුව ඒ පැත්ත බල බල ඉන්න තිබුනා ආතල් එකේ ප්ලේන් එක එනකන්..

දැං ඉතිං මොනවා කරන්නද.. ගිය හකුරට නාඩන්නේ අලුත් හකුරක් හොයපන් නේ කියලා ආයේ බඹරෙ වගේ කැරකෙන්න ගත්තා.. ඒත් ඉතිං හරියන එකක් මීටර් වුනේ නැති නිසා ආයෙත් අර ළමයා හිටි පැත්තට හැරුනා, දැං තත්ත්වේ මොන වගේද කියලා බලන්න .. අර කොල්ලෝ දෙන්නා නැති නිසා මම හිතුවා දැං ඉතිං සැනසිල්ලේ මගේ පාඩුවේ වැඩක් බලාගෙන ඉන්න පුළුවන් වෙයි කියලා..

හුටා කෙළීය නේද තාප්පෙට.. බඩු මිසිංග් වෙලා... :D

ඔහොම ටික වෙලාවක් ඉඳිද්දී මගේ ගෙස්ට් ආව නිසා මමත් හැරිලා ආවා.. :D