අලුත් බඩුව..

සති තුනකින් ගෙදර යන්න වුනේ නැති නිසා ගිය සිකුරාදා ගෙදර ගියා.. බස් එකේ මග ඉන්නකොට අම්මා කෝල් කරලා කිවුවේ බස් එකෙන් බහිනකොට බලාගෙන බහින්න කාණු කපලා තියෙන්නේ කියලා.. රෑ 10.00 විතර බස් එක නවත්තද්දී කට්ට කළුවරයි පැත්ත පලාතම වෙනදා පත්තුවෙන කණුවේ ලයිට් එක එදා පත්තු වුනේ නැති නිසා බස් එකෙන් බැස්සේ කාණුවට අඩිය තියයි ද නැද්ද කියලා හිතේ දෙගෙඩියාවෙන්.. හොඳ වෙලාවට බස් එකෙ නැවැත්තුවේ පාර මැදට කරලා.. කොහොම හරි අවුලක් නැතුව ගෙදරට ගිහිං ඇඳට වැටුන ගමන් නින්ද ගියේ බස් එකේ ආව මහන්සිය නිසා වෙන්නැති..

උදේ නැගිටපු ගමන් පාර පැත්තට ඇවිත් බැලුවම තමා දැක්කේ වෙලා තියෙන සීන් එක.. දැං අලුත්ම ත්‍රෙන්ඩ් එක වෙන්නැති කාණු යටටම හාරන්නේ නැතුව බාගයක් හාරලා පොළව මට්ටමට උඩිං කාණු දාලා මැද ටික පුරවලා පාර උස්සලා හදන එක.. මේක නිසා පාරට හොඳ වුනත් ඉතිං පාර අයිනේ ජීවත් වෙන අයගේ ගෙවල් වලට බඩුම තමා වැස්සක් ආපු ගමන්.. ඇයි ඉතිං පාර තියෙන්නේ උඩ නිසා නිකංම වතු වල වතුර පිරෙනවා.. අනිත් එක අපේ රටේ හැමදේම කරන්නේ ආරම්භයේ විතරයි.. ඒ කියන්නේ කාණු දාලා කාපට් දාලා ඒවා මේවා කරලා ලස්සනට පාරවල් හදනවා.. හැබැයි ටික දවසක් ගියාට පස්සේ කාපට් කොහේද නෑ.. කාණු හොයන්න හෙන ගේමක් දෙන්න වෙනවා.. ඇයි ඉතිං නඩත්තුව හොඳට තියෙනව නේ.. මම ප්‍රාර්ථනා කරනවා අධිවේගී මාර්ගයට නම් එහෙම දෙයක් සිද්ධ වෙන්න එපා කියලා..

කොහොම හරි උදේ පාන්දරම ඩෝසරයක් ඇවිත් අපේ තාප්පෙත් බිමට සමතලා කරලා.. වතුර ලයින් එකටත් වැඩේ දුන්නා.. හැබැයි ටික ඉක්මනටම ගොඩ දාලා දුන්නා වතුර සීන් එක නම්.. ඇයි ඉතිං අච්චර ඔතන වතුර බටේ තියෙනවා කියලත් ඉතිං ඒකට ගේම දුන්න නේ.. පස්සේ ඉතිං රෙදි ටික සෝදලා, නාලා, කාලා, ෆිල්ම් එකක් බලලා එහෙම ගියා අළුතෙන් හදන කුරුල්ලා බලන්න..

මම යනකොට අයියා වැඩ.. ඒක එන්ජිමකින් යන එකක් නිසා ඒ එන්ජිම ටෙස්ට් කරලා තමා හයිකරන්න ඕන.. එතකොට ඉතිං වඩා හොඳයි නේ.. අනික ඉතිං මේකට ඉන්ධන ලබා දෙන්නත් ඕන නිසා ඒවත් චෙක්කරලා අනුපාතය හදාගෙන තියාගත්තම ලේසියි.. අනුපාතය කිවුවේ අර ත්‍රීවීලර් වලට ඉන්ධන වලට අමතරව ටූටී දානවා වගේ මේකෙත් ඉන්ධන එක්ක ඒ වගේ ඔයිල් එකක් දාන්න ඕන කවලං කරලා.. මොකද මේ එව්ජිමට ඔයිල් දාන්න වෙනම තැනක් නැති නිසා.. සාමාන්‍යයෙන් දාන්නේ නිට්‍රෝ කියන ඉන්ධන වර්ගය ඒත් ඉතිං ඒවා මිල අධික නිසා අයියා නම් මේකට ගත්තේ වෙන මොනවද ජාතියක්.. ඔයිල් එකේ නමත් මට මතක නෑ.. මම ඕවා ඒ හැටි දන්නේ නැති නිසා මතක හිටින්නේ නෑ.. මම ඉතිං උසප්පෙලට කලෙත් වාණිජ්‍ය නේ.. මට ඔය රසායනික ද්‍රව්‍ය වල නම් මකත හිටින්නේ නෑ ඒ නිසා.. කොහොම හරි අයියා ඇන්ජිම ටෙස්ට් කරනවා පොඩි වීඩියෝවක් ගත්තා මම..

මේ තියෙන්නේ ඒ වීඩියෝව

මේ හෙළිය Tz v2 50 කියන වර්ගයේ එකක්.. ඒ කියන්නේ අපි අර කලිං හදපු (HK 600 GT) එකේ ඉන්ධන දාන මොඩ්ල් එක.. වැඩි විස්තර ඕන නම් මේ සයිට් එකට ගිහිං බලන්න පුළුවන් Tz v2 50 Nitro Helicopter.. සසිස් එක ඉතිං ඒ ගානම තමා.. වෙනසකට තියෙන්නේ බැටරිය වෙනුවට ඉන්ධන වලින් යන එක.. හැබැයි හෙළිය ස්ටාර්ට් කරන්න නම් පොඩි කරන්ට් එකක් දෙන්න වෙනවා බැටරියක් හරහා.. ඒකට නම් පොඩි රීචාජබල් බැටරි දෙකක් තිබුනම ඇති.. බිමදී ස්ටාර්ට් කරලා ඒ බැටරි දෙක අයින් කරනවා..

මේකේ නම් කෑලි ටික ඔක්කොම තියෙන නිසා හයි කරන්න විතරයි තියෙන්නේ.. ඒත් ඉතිං අයියා අසනීප වුන නිසා හෙමීට හෙමීට තමා වැඩේ කරන්න වෙන්නේ.. එකදිගට වැඩි වෙලාවක් ඉඳගෙන ඉන්න හොඳනැති නිසා අයියට..

මෙන්න පොඩි ෆොටෝ කෑලි දෙක තුනක්.. ෆොටෝ ටික ගත්තේ රෑ වෙලා නිසා ටිකක් පැහැදිලි මදි ඇති.. කරන්න දෙයක් නෑ ඔය ගානිං බලන්න.. :D

මේ තියෙන්නේ චැසිය..

ඔය සුදු පාටට තියෙන එක තමා ඉන්ධන ටැංකිය..

මේ තියෙන්නේ කකුල් දෙක..

මේ තටු දෙක..

මේ තමයි ටේල් එක.. ඒ කියන්නේ නැට්ට..

මේ සයිස් තමා වලිගේ හයි කලාම..

තව පොඩ්ඩෙන් අනිත් එක අමතක වෙනවා.. ඒ තමා රිමෝට් එක.. හප්පා ඒක නම් පට්ටම රිමෝට් එකක්..  චැනල් 8 එකක්.. විස්තර ඕන නම් මෙතනින් බලන්න.. 2.4GHz 9ch FS-TH9X Remote control rc transmitter receiver..

මේ තියෙන්නේ රිමෝට් එක

මේක තමා ඇන්ටනාව.. රිමෝට් එකේ යට පැත්තෙන් තමා හයි කරන්න තියෙන්නේ..

ආ එහෙනම් මේක උඩ යවනකොට වීඩියෝවක් දාන්නම්..

ප.ලි - අර කලිං එක අයියා යාළුවෙකුට දීලා  (HK 600 GT) .. ඒකට බැටරියක් දානවට වඩා මේක හදන එක ලාබයි කියලා තමා මේක හදන්න අරං තියෙන්නේ..