ලොකු පිම්මක්.... [HK 600 GT]

හපොයි දෙවියනේ.. මගේ බ්ලොග් එක අමතකම වෙලා ගිහින් නොවෑ මට.. හප්පා..... දූවිලි හැම තැනම.. ඉන්න පොඩ්ඩක් මම මේ දූවිලි ටික පිහදානකන්.. හෙම්බිරිස්සාව තියෙන අය එහෙම ඉන්නව නම් ලේන්සුවක් ඇරන් නහය වහ ගත්ත නම් හො​දා.. ලේන්සුවක් නැත්තන් අම්මගෙන් ඉල්ලගන්න.. :D

හරි එහෙම නම් ඔන්න අපි කථාවට බහිමූ.. මගේ හෙලිකොප්ටර් ජීවිතේ අළුත් පිටුවක් පෙරැළෙන්න හදනවා කියලා මම කිවුවා මතක ඇති නේ.. මතැක නැත්තන් මේ පෝස්ට් එකේ අන්තිම හරියේ ඇති බලන්නකෝ..

ඔය පෝස්ට් එකේ තියෙන විදියට අපේ ඊළඟ හෙළිය තමා "Belt cp 450 V2" කියන එක.. ඒ වුනාට අපිට දැන් චාන්ස් එකක් ලැබිලා තියෙනවා ඊට වඩා ලොකු සයිස් එකේ එකක් හදන්න.. ලොකු කියන්නේ මේක පට්ට ලොකුයි.. ඒකේ නම තමා "HK 600 GT" කියන එක.. හප්පා ඒකේ සයිස්..

Belt cp 450 V2 කියන එක 450 කැටගරියේ එකක්.. ඒත් මේ අළුත් එක, ඒ කියන්නේ HK 600 GT කියන එක 600 කැටගරියේ එකක්.. නමෙන්ම තේරෙනව නේ මේකේ සයිස් එක.. 450 වෙනුවට 500 ට හරි 550 ට හරි යන්නේ නැතුව කෙලින්ම 600 ට යන්න පුළුවන් වෙලා අපිට..

මේක ගෙන්වුවෙත් අපේ අයියගේ අර යාළුවා හරහා ම තමා.. ඒ අයියට පිං සිද්ධ වෙන්න අපිට සෑහෙන්න මුදලක් ඉතිරිකරගන්න පුළුවන් වුනා.. මුළු හෙළිකොප්ටරේම ගෙන්න ගනන බැරි වුනත් සෑහෙන්න තරමක කෑලි ප්‍රමාණයක් ගෙන්නවාගන්න පුළුවන් වුනා අපිට.. ඒ කියන්නේ රු. 15000.00 - 18000.00 අතර ප්‍රමාණයක් ඉතිරි කරගන්න පුළුවන් වුනා.. ඒත් ඉතිං මේකට අවශ්‍ය ඉතුරු ටික ගන්න වෙන්නේ අපිට.. ඒකට තව රු.15000.00 ක් විතර යනවා..

හෙළිකොප්ටරේ උඩ යවන්න අවශ්‍යම දේ තමා අපිට ගන්න ඉතුරු වෙලා තියෙන්නේ.. ඒ කියන්නේ.....

* ප්‍රධාන තටු දෙක

* ප්‍රධාන තටු දෙකේ මෝටරය

* බැටරිය

* තවත් පොඩි සර්වේ මෝටරයක්

ඔන්න ඔය පොඩි ලිස්ට් එකට තමා යනවා කිවුවේ රු.15000.00 ක් විතර.. හප්පා සෙල්ලම් ගානක්ද ඒ, නේද..? ඒක නිසා මේක සම්පූරණ කරන එක තවත් මාසයක් දෙකක් කල් යන්න ඉඩ තියෙනවා.. මොකද අපේ මේ හෙළිකොප්ටැර් යැවිල්ල විනෝදාංශයක් විදියට කරනවා මිසක් වෘත්තීයක් විදියට කරන්න නෑ නේ තාම.. :D

මේ HK 600 GT කියන හෙළිකොප්ටර් එක තටු දෙක නැතුව අඩි 4 කට ආසන්න ප්‍රමාණයකට දිගයි.. තටු දෙකේ දිග අඩි 2ක් විතර.. එතකොට තටු දෙකත් එක්ක මුළු දිග අඩි 6 කට කිට්ටුයි.. කොහොමද සයිස් එක, නේද.. ? ඔන්න ඔය වගේ මේක පට්ට සයිස් නිසා ඒක ගෙන්නන කොට අපිට සිද්ධ වුනා අදාල යම් යම් නීතිමය ලියවිලි කිහිපයක් පිළියෙළ කරන්න..

හරි ඔන්න එහෙම නම් බලමු ද අපේ හෙළිකොප්ටරයේ කෑලි ටික..

පොඩි වීඩියෝ කෑල්ලකුත් මෙන්න..

බැක්ග්‍රවුන්ඩ් වොයිස් ගැන සැළකිළිමත් වෙන්න එපා..

මගේ ඊළඟ හීනේ තමා මේකේ සද්දේ මෙන වගේද අහන එක.. එකටත් තව මාස 2 ක් විතර බලන් ඉන්න වෙනවා නේ.. :D


ප.ලි - මතකයි නේ අපේ සිහින බක්මහ උළෙල.. අප්‍රේල් මාසේ 03 වෙනිදා තියෙන්නේ.. මතකැතුව මෙතන තියෙන ෆෝරම් එකත් පුරවන්න..