තටු ඇවිත්..

පුංචි කුරුළු පැටියෙක් පොඩි කාලේ ඉඳන් හදා වඩා ගන්න කුරුළු අම්මලා මොන තරම් වෙහෙසක් මහන්සියක් ගන්නවද.. ඒ වගේම තමා තාත්තලත්.. ඉතිං එහෙම ආදරෙන් බලාගත්ත පුංචි කුරුළු පැටිය‍ට තටු දෙකක් ඇවිත් නම්.. ඒ කුරුළු අම්මටයි තාත්තටයි ඒ තරම් සතුටක් නැතුවැති නේ.. 

අන්න ඒ වගේ සතුටු හිතෙන දෙයක් මේ සතියේ ගෙදර ගියාම මටත් දැනුනා.. ඒ තමයි අපේ කුරුළු පැටියගෙ තටු දෙකත් ඇවිත් නිසා.. පැටියෙක් කිවුවට මේකා පත සයිස් එකෙක්.. හරි හරි ඔන්න දැං වටේ ගියා ඇති.. සමහර අය නම් දන්නවත් ඇති මම මේ කියන්න දඟලන්නේ මොකක් ගැන ද කියලා.. ඔව් ඔව් මේ අපේ මහා හෙළිකොප්ටර් රාජයා ගැන තමා..

දැං ඉතිං කස්ටියම දන්න රහසක්‍නේ මම හෙළිකොප්ටර් පදින එක.. ඒ අතරිනුත් ‍HK 600 GT කියන සද්දන්තයා හදන්න අත ගහලා පොඩි පොඩි ආර්ථික ප්‍රශ්න නිසා ඒක තාවකාලිකව නවත්තලා නේ තියෙන්නේ..

ඒ නවත්තලා තිබුනත්, ඔන්න මේ ඊයේ ගෙදර ආවම දැනගත්තා හෙළියේ තටු දෙක ඇවිත් කියලා.. ඉතිං මම මගේ ෆූටාර් එක අරං රූං ගාලා ගියා අයියලාගේ ගෙදර.. ගියාම තමා දැක්කේ අපේ හෙළිකොප්ටර් රාජයාට තටු දෙක හයි කලාම තියෙන හැඩ.. හප්පා........ බලන්න එපයි ලස්සන..

තටු දෙක හයි කරාම අඩි 5 1/2 විතර දිගයි මේක.. හැබැයි තාම සද්දේමොන වගේද කියලා අහන්න විදියක් නෑ.. මොකද තාම බැටරිය ගෙන්නුවේ නැති නිසා.. බැටරියටත් සැලකිය යුතු මදලක් වැය වෙන නිසා ටිකක් පස්සට දාලා තියෙන්නේ.. මොකද ඉතිං එක පාරට ලොකු ගානක් මේක වෙනුවෙන් වියදම් කරන්න බැරි නිසා.. ඒක නිසා මාසිකව පොඩි පොඩි ගනං ඉතුරු කරලා තමා බැටරියක් ගන්න තමා අයියා හිතාගෙන ඉන්නේ..

ඔන්න හෙළිය සිරස් අත‍ට හැරවුවම මගේ උසේ ගානටම ඉන්නවා..

මෙන්න මෙහෙමයි තිරස් අතට ගත්තම සයිස් එක..

පොඩ්ඩක් ඇල කරලා ගත්තම මෙන්න මෙහෙමයි පේන්නේ..

ඔන්න ‍ඔහොම තමා මගේ හෙළිකොප්ටර් යැවිල්ලේ මේ දවස් වල තත්ත්වය.. ලොක්කගේ බැටරිය එනකන් තාම යවන්නේ පොඩ්ඩා.. ඉතිං එහෙනම් ආයෙත් දවසක හෙළිකොප්ටර් එක්ක හමුවෙනකන් ආයුබෝවන්..!!