Saturday, May 2, 2015

බුද්ධ පුත්‍ර ප්‍රේමය

හුගිය දවසක දවල් වරුවේ ආපු හිරු එෆ්.එම් නිවුස් ඇල(ර්)ට් එකක තිබුනේ "අන්තර් විශ්ව විද්‍යාල භික්ෂු බල මණ්ඩලයේ උද්ගෝෂණයකට පොලීසියෙන් කඳුළු ගෑස් සහ ජල ප්‍රහාරයක් එල්ල වී ඇත" කියලා. මේක දැකපු ගමන් මට මතක් වුනේ මම මේ දවස් වල කියවන පොත.


නමින් "බුද්ධ පුත්‍ර ප්‍රේමය" කියලා දාල තියෙන මේ පොත ලියලා තියෙන්නේ "ශාරිකා කරුණාතිලක". විජේසූරිය ග්‍රන්ථ කේන්ද්‍රය මගින් ප්‍රකාශයට පත් කරලා තියෙන මේ පොතේ වටිනාකම රු.400.00 කි.

"බුද්ධ පුත්‍ර ප්‍රේමය" කියලා නම තියෙන නිසාත්, පොතේ පිට කවරයේ තියෙන්නේ තරුණ භික්ෂුවකගේ රූපයක් නිසාත් පොත අතට ගන්න ඕනැම කෙනෙක් තමන්ගේ හිතේ ඇති වෙන දේ මතු වෙන්නේ පොතේ කොයි හරියෙන් ද කියන කුතුහලය පොත කියවන් යන්න යන්න වැඩි වෙන නිසා මේ පොත එක හුස්මටම කියවගෙන යන්න පුලුවන් පොතක්.

1988 - 1989 කාල් වකවානුවේදී ඇති වුන ශිෂ්‍ය ව්‍යාපාරයේ එවකට පිරිවෙන් අධ්‍යාපනය ලැබූ තරුණ සාමනේරයන් වහන්සේලාගේ පැතිකඩින් බලන මේ පොතේ ඇතැම් දේවල් වර්තමානයේත් සිදු වනවා දකින්න පුලුවන්. 

කතාව ගැන වැඩි විස්තර නොකියන තරමට හොඳයි කියලා හිතුනත් කතුවරියගේ පෙරවදනෙන් උපුටාගත් කොටසක් දැම්මට කමක් නෑ කියලා හිතුනා.
"බුද්ධ පුත්‍ර ප්‍රේමය" තරුණ ව්‍යාපාරයට සහභාගී වීමට පෙළඹුනු කුඩා සාමනේර කෙනෙකුගේ කතාවයි. මාපිය සෙනෙහස අහිමිව ගිය කුඩා දරුවෙකු භික්ෂුඅක් වන සිය මයිලනුවන් විසින් ගම්බද පින්බිමක ඇති දැඩි කල අයුරුත් අධ්‍යාපනය සඳහා නගරයේ පිරිවෙනට ඇතුලු වූ පසු සාමනේරයන් තරුණ ව්‍යාපාරයට ඇදී ගිය අයුරුත් මෙම "බුද්ධ පුත්‍ර ප්‍රේමය" නවකතාවෙන් කියවේ.
සරළ බස් වහරක් තියෙන මේ පොත ඕනැම කෙනෙකුට කියවා තේරුම් ගත හැකි පොතක් විදියට නිර්දේශ කරන්න පුලුවන්.

2 comments:

  1. පොත් කියවන ඈයන්ට හොඳ ඉඟියක්.. :)

    ReplyDelete
  2. ළමා මහණ කිරීම් අද කාලයේ සමාජයට කෙතරම් සුදුසුද ?

    ReplyDelete