මෙතෙක් ආ මග..

හප්පා...... අවුරුදු දවසත් ගෙවිලා ගියා නේ.. කවුරු කවුරුත් අවුරුද්ද කියලා උඩ පැන පැන බලං හිටපු ඒ දවස ගෙවිලා ගියා කිසිම ගතියක් නැතුව.. හරි දැං ඉතිං අවුරුද්ද ඉවරයි නේ.. ඊලඟට බලං ඉන්නේ වෙසක් දවස එනකන්.. වෙසක් කූඩු හදන්න, තොරං ගහන්න වගේ සීන් වලට.. ඉස්සර නම් අපේ ගෙදර වෙසක් කූඩු හදන වැඩේ කලේ මම.. දැං ඉතිං මම ඒකෙන් විශ්‍රාම අරං තියෙන්නේ.. අපේ මල්ලි තමා දැං වැඩේ කරගෙන යන්නේ..

අවුරුද්දට ගමේ ඇවිත් ඉඳලා 18 වෙනිදා තමා ආයෙත් කොළඹ ගියේ.. ඒ වුනත් මගේ අධ්‍යාපන වැඩ කටයුත්තක් නිසා මේ සතියෙත් එන්න වුනා ගමේ.. ඒ ආවට පස්සේ අදාල වැඩ කටයුතු ටික කරගෙන හවස් වරුවේ ගියා අයියලාගේ ගෙදර.. (ඔවු ඔවු හෙළිකොප්ටැර් අයියා තමා... :D) ගියාට පස්සේ තමා දැක්කේ ඇඬෙන සීන් එකක්.. (නෑ නෑ හෙළියේ ඉතුරු කෑලි ටික ඇවිත් නෙවේ.. :D)

මෙන්න බොලේ 450 හෙළියක් තියෙනවා.. එතකොට තමා මට මතක් වුනේ "අයියගේ යාළුවෙකුට හෙළියක් ගෙන්නවලා දෙන්න කියලා" අයියට කියලා තිබුන බව.. ඔන්න යාළුවගේ එක තමා ඒ..

මේ තියෙන්නේ ඒකේ ෆොටෝ..

 

සා සා... ඒකත් මාර භාන්​ඩේ.. ඒත් ඉතිං ඒකෙනුත් තාම ගෙන්නවලා තියෙන්නේ කෑලි ටිකයි.. හැබැයි දැනට අපි ලඟ තියෙන හෙළිකොප්ටර් ටික පේලියට තිවුවම බලන්න එපෑ ලස්සන... හරියට නිකන් හෙළිකොප්ටැර් කඩයක විකුණන්න තියලා තියෙන වගේ..

හිහ් හිහ්... මේ කියෙන්නේ හෙළිකොප්ටැර් පේළිය අපේ..

 

ඔය තියෙන පොඩිම එකෙන් තමයි හෙළිකොප්ටැර් පිස්සුව හැදුනේ.. බාන්ඩේ ගත්තේ ASB එකේ තිබිලා.. රු 4500.00 ක්ද කොහේද වුනා මට මතක හැටියට ඒකේ ගාන.. කවුරු හරි මේ ජාතියෙන් එකක් ගන්න හිතං ඉන්නවා නම් මම කියන්නෙ ඒ අදහස වහාම අයින් කැරගන්න කියලා.. මොකද දන්නවද ඕක යවන එක පට්ට අමාරුයි.. පොඩි හුලං පාරක් ආවත් බිමට පතබෑවෙනවා..

ඒකෙන් හෙළිකොප්ටැර් උණ හැදුනයින් පස්සේ Hobby King එක පීර පීර හෙළිකොප්ටැර් ගැන හොයන්න ගත්තා.. ඒකේ ප්‍රථිලයක් විදියට තමා ඔය ​රතුපාටින් තියෙන එක සෙන්ටිමෙන්ටල් වුනේ.. "Honey Bee King 3" තමා ඒකේ නම ඒක ගැන විස්තර ඇති මෙන්න මෙතන.. 

හෙළිකොප්ටැර් යැවීමේ ආසාව එතනින් නවත්තන්න කිසිම අදහසක් තිබුනේ නැති නිසා තමා "Belt cp 450" එකක් හදන්න පටං ගත්තේ.. ඒ කියන්නේ අර හෙළිකොප්ටර් පේලියේ දකුණු පැත්තතේ ඉඳලා තුන් වෙනි එක.. ඒවුනාට පෙර පිනකට වගේ අපිට ඊට වඩා ලොකු එකක් ගන්න චාන්ස් එකක් ආව කියලා මතක ඇති නේ.. ලොකු එක කිවුවේ දකුණු පැත්තේ ඉඳලා හතරවෙනි එකට.. තාමත් ඉතිං ඒක නම් ගුවන්ගත කරන්න ලැබුනේ නෑ.. තාමත් ඉතුරු කෑලි ටික ඕඩර් කලේ නෑනේ.. ඇයි ඉතිං සල්ලිත් ඕනනේ.. :D

 රායිට්................. ඔන්න ඔහොම තමා මෙතෙක් අපේ හෙළිකොප්ටැර් පැදිල්ල..

ප.ලි - තාමත් සිහිනේ සැබෑ වුනේ නෑ නොවෑ.. :D