තවත් කෑලි ටිකක් ඇවිත්..

අම්මෝ සෑහෙන්න කාලෙකින් මට මගේ බ්ලොග් එක මතක් වුනා.. එහෙම කිවුවට මොකෝ මතක් වෙනවා හැමදාම.. ඒත් ඉතිං කම්මැළිකම හැම එකටම වඩා ​ලොකුයි නේ.. ඒක නිසා අර මොකාද එකා වගේ බ්ලොග් කියව කියව විතරක් හිටියා.. මේ ඉතිං අවුරුදු මාසේ නේ.. කට්ටිය ඉතිං ජයට අවුරුදු සමරන්න හිතං ඇති නේ.. එළ එළ හැමෝටම සුභ අළුත් අවුරුද්දක් වේවා...! කියලා මුලින්ම ප්‍රාර්ථනා කලා ඔන්න එහෙනම්.. 

මටත් මේ අවුරුද්ද ටිකක් ජයයි.. ටිකයි හරිද.. හේතුව තමා මට පොඩි ජොබ් එකක් සැට් වුනානේ.. ඔය හැමදෙනාම වගේ දන්න කෙනෙක් තමා මගේ බොසා.. (ආ.... ඔවු ඔවු එයා තමා..) (හරි හරි දන්නව නම් ඕක කමෙන්ට් එකේ දාන්න ඕන නෑ.. නොදන්නව නම් හොයන්න යන්නත් ඕන නෑ බං..) රස්සාව හින්දා දැං මමත් කොළඹ රටේ තමා ජීවත් වෙන්නේ.. ගමේ හිටි අපිට සුට්ටක් අමාරුයි තමා ගෙන්දගම් පොළවට පුරුදු වෙන්න.. අමාරු වුනත් ඒක කරන්න වෙනවනේ.. අද කාලේ ජීවත් වෙන්නත් හරි අමාරුයි නොවෑ.. ගෙදර අයට පොඩි පොඩි තෑගි ටිකකුත් අරං ගිය සඳුදා තමා කොළඹ ඉඳන් ආවේ.. 

කොළඹ ජීවිතේ නිසා  මේ ළඟකදි ඉඳන් මගේ විනෝදාංශේ වෙලා තිබුන හෙළිකොප්ටර් යැවිල්ලත් අතපහු වුනා නේ.. ගෙදර ආපු ගමන් මගේ ඔළුවේ වැඩ කරේ අළුත් හෙළිකොප්ටරේ ඉතුරු කෑලි ටික ඇවිත්ද දන්නෑ කියලා.. අළුත් එක කිවුවේ අර අපි හදනවා කියලා කියපු HK 600 GT හෙළිකොප්ටර් රාජයා..

සඳුදා ගෙදර එනකොට රෑ වෙලා තිබුන හින්දා ඊයේ (අඟහරුවාදා) තමා යන්න වුනේ හෙළිය බලන්න.. හප්පා සන්තෝෂේ බැරුවා.. අපිට අඩු වෙලා තිබුන කෑලි වලින් 3/4 විතර බඩු ගෙන්නවාගෙන අයියා.. 

දැං බලමු අලුතෙන් නේනවාපු කෑලි ටික..

 මෙන්න ප්‍රධාන මෝටරේ

 මේ රිමෝට් කොන්ට්‍රෝල් එක

 

ආර්.එෆ්. රිසීවරය

 

ගයිරෝ එක

පවර් කොන්ට්‍රෝලර් එක

 

 සර්වේ මෝටර්

තවත් පොඩි පොඩි මෙවලම් ටිකක්

දැනට මේ තියෙන කෑලි ටිකට අමතරව අපිට තව අඩු බැටරියයි, ප්‍රධාන තටු දෙකයි, තව පොඩි සර්වේ මෝටරයකුයි විතරයි.. ඒ ටික ගෙන්නවපු ගමන් ආයෙත් හමුවෙමු.. ජය වේවා..!!

ප.ලි - හුරේ... තව ටික දවසකින් මගේ හීනේ (මේකේ සද්දේ මොනවගේද කියලා අහන එක) හැබෑ වෙන්නයි යන්නේ..